eu en es fr

ELUSKA ZABALOK NAUTILUS LANZAROTE SARIA IRABAZI DU, ITZAL AKTIBOA LEHIAKETAREN KARIETARA

2018KO IRAILAREN 17A

Itzal Aktiboaren partaide gisa Sorkuntza Gaztea Arte Garaikidea - Itzal Aktiboa sarian parte hartuz, Nautilus Lanzarotek Eluska Zabalo hautatu du bi asteko egonaldi artistikoa egiteko, 2019an, Lanzaroten (Kanaria uharteak).

Nautilus Lanzarote hotel-apartamentu multzo bat da, Lanzaroten. Ahalmen urriko pertsonei, ingurumenaren zaintzeari eta arte garaikideari zuzendua zaie. Badu hamar urte baino gehiago Nautilus Lanzarotek sorkuntza artistikoaren aldeko bere engaiamendua frogatzen duela, urtean hamabost bat artista errezibituz, egonaldi artistikoak egin ditzaten. Laugarren aldia da Nautilus Lanzarotek egonaldi artistikoa proposatzen duela, Itzal aktiboa sariaren karietara.

Lehiaketarako hautagaitza aurkeztean, Eluska Zabalok 130 cm x 143 cm-ko obra bat presentatu zuen; zur gaineko teknika misto hori "Paysages erratiques (Paisaia mugikorrak)" izeneko seriearen parte da.

2018ko Nautilus Lanzarote sariaren irabazlea Donostian sortua da, 1982an. Biziki goizik abiatu du bere artista ibilbidea, gazte-gazterik hainbat pintoreren atelierretan kurtsoak hartuz. 2000n, batxilergo artistikoa erdietsi zuen, Iruñeko Arte Ederren Eskolan, eta, zenbait urte berantago, Arte Ederretako eta Soziologiako lizentzia, Euskal Herriko Unibertsitatean (UPV/EHU). Arrasaten bizi da, non jarduera artistikoak eta helduei eta haurrei zuzendu arte kurtsoak ematen baititu.

Azken bi hamarkadetan, bere pintore mintzaira landu du, konstruktibismo estiloko espresionismo batetik figurazio abstraktura iraganez. Mintzaira horren desbideratze biomorfikoa —landare eta mineral formakoa— paisaia erreferentziazko oinarritzat eta forma posibleen iturritzat hartzera eraman du.

Artistaren arabera, paisaiara hurbiltze hori ez dagokio hainbeste natura irudikatzeari, baina gehiago natura forma iturri gisa erabiltzeari; erran nahi baita forma alorreko motiboa dela, gai alorreko motiboa baino gehiago. Horrengatik, ardura erraten du paisaia-ezak pintatzen dituela. Funtsean, "Paisaia mugikor" horietan, bihotza hunkitzen diona da esperientzia hori formaren eta kolorearen bitartez bizitzea.


Lehengo berriak

<span>ZAZPI FINALISTA</span> ITZAL AKTIBOA LEHIAKETAN

ZAZPI FINALISTA ITZAL AKTIBOA LEHIAKETAN

2018ko Irailaren 04a

Zazpi artista, zazpi finalista dira 2018ko Arte Garaikidearen alorreko Sorkuntza Gaztearen « Itzal Aktiboa » sariketaren karietara, beren obrak erakusketa kolektibo batean Donibane Garaziko Apezpikuen Presondegian urrian aurkeztuko

[irakurri...]

Nautilus Lanzarotek egonaldi artistiko bat proposatzen du, Itzal aktiboarekin bat eginez

NAUTILUS LANZAROTEK EGONALDI ARTISTIKO BAT PROPOSATZEN DU, ITZAL AKTIBOAREKIN BAT EGINEZ

2018ko Ekainaren 27a

Aurten, berriz ere, Sorkuntza Gaztea Arte Garaikidea - Itzal Aktiboa 2018ko sariaren karietara, Nautilus Lanzarotek artista gazte bati bi asteko egonaldi artistikoa proposatuko dio. Egonaldi artistiko hau Lanzaroten iraganen da (Kanaria

[irakurri...]

2 000 euroko saria eta bi egonaldi artistikoa, Nafarroan

2 000 EUROKO SARIA ETA BI EGONALDI ARTISTIKOA, NAFARROAN

2018ko Apirilaren 07a

Itzal aktiboa sariaren lehiaketa antolatzen dugu, Euskal Kultur Erakundearekin eta Uharteko (Nafarroa) Arte Garaikideko Zentroarekin partaidetzan. Saria 2 000 eurokoa izanen da. Paraleloki, bi artista Uharteko Arte Garaikideko Zentroan

[irakurri...]

ARTEA NOKA, ARTEA HIKA – ETXE IKURRETATIK

ARTEA NOKA, ARTEA HIKA – ETXE IKURRETATIK

2018ko Martxoaren 06a
> 2018ko Martxoaren 29a

Emaztearen Nazioarteko Egunaren ospatzeko urte oroz -aurten hamabigarren aldikotz- antolatzen dugun erakusketaren karietarat, Marythé Avella artistak bere margolanak Donibane Garaziko Herriko Etxeko ezkaratzean erakutsi ditu, martxoaren 6tik,

[irakurri...]


Itzal Aktiboa, Zitadelaren karrika, 22 - 64220 DONIBANE GARAZI - +33 6 71 00 57 23

HARREMANA | Legezko oharrak | Diseinua: iF Diseinuak - 2013